July 20th 2008 03:48 pm
सुप्रभात् ..
विठ्ठलाचे पायी थरारली वीट
विठ्ठलाचे पायी थरारली वीट
राउळीची घाट, निनादली ॥१॥
ज्ञानोबांचे दारी शहारे पिंपळ
इंद्रायणी-जळ, खळाळले ॥२॥
उठला हुंदका देहूच्या वाऱ्यांत
तुका समाधीत, चाळवला ॥३॥
सज्जनगडात टिटवी बोलली
समाधी हालली, समर्थांची ॥४॥
एका ब्राम्हणाच्या पैठणपुरीत
भिजे मध्यरात्र, आसवांनी ॥५॥
अनाथांचा नाथ सोडुनि पार्थिव
निघाला वैष्णव, वैकुंठासी ॥६॥
संत-माळेतील मणी शेवटला
आज ओघळला, एकएकी ॥७॥
गीत - ग. दि. माडगूळकर
संगीत - राम कदम
स्वर - पं. भीमसेन जोशी
No Comments yet »